Հանրային հեռուստաընկերության նոյեմբերի 20-ի թողարկումներում անդրադարձ չի եղել մի շարք թեմաների, իսկ մայրաքաղաքում ու Գյումրիում անհնազանդության ակցիաները ներկայացվել են՝ քողարկելով որոշ դրվագներ, մասնավորապես, ոստիկանների կոպիտ վերաբերմունքը քաղաքացիների, այդ թվում՝ կանանց նկատմամբ։ Միայն գլխավոր թողարկմանն է անդրադարձ եղել ռեպորտաժի տեսքով, մյուս թողարկումներում ներկայացվել է հպանցիկ՝ մոտ 33 վայրկյան տևողությամբ՝ առանց ներկայացնելու ընդդիմադիրներից որևէ մեկի խոսքը։ Հանրայինը չի հաղորդել, որ այսօր կորոնավիրուսից մահացել է երրորդ նախագահ Սերժ Սարգսյանի կինը՝ Ռիտա Սարգսյանը։ Չի ներկայացրել ԵԿՄ նախկին նախագահ Մանվել Գրիգորյանի հոգեհանգստի արարողությունը, գերեվարված 80-ամյա պապիկի մասին ադրբեջանցիների տարածած դաժան տեսանյութը, որի հարցով Արցախի ՄԻՊ-ը դիմել է Կարմիր խաչի միջազգային կոմիտեին։ Չի ներկայացրել Արցախում ադրբեջանական բանակի կողմից եկեղեցիների պղծումը, գյուղերի մեծ մասի, նաև Աղդամի շրջանի հանձնումը Ադրբեջանին։ Հանրայինը չի անդրադարձել իրավապաշտպան Լարիսա Ալավերդյանի հայտարարությանն ու կոչ-հորդորին «Իմ քայլի» պատգամավորներին։ Իսկ Պետրոս Ղազարյանի հյուրը նոյեմբերի 20-ին աննախադեպ է, որ ընդդիմադիր գործիչ էր՝ ՀՅԴ ներկայացուցիչ Իշխան Սաղաթելյանը, որի խոսքը, սակայն, Պետրոս Ղազարյանը պարբերաբար ընդհատում էր։ Հյուրը հունից դուրս եկավ և ասաց․ «Եթե ինձ անընդհատ ընդհատելու համար ձեզ պրեմիա են տալու, աշխատավարձ են բարձրացնելու»։ Ինչին Պետրոս Ղազարյանը հեգնանքով պատասխանեց․ «Եթե ես իմանամ, անընդհատ կընդհատեմ»։
Հարձակում են գործել լրագրողի տան վրա
Արցախից լրագրող Մարատ Եգանյանը հայտնում է, որ իր տան վրա հարձակում է