Երեկ ճեպազրույցի ժամանակ Ալեն Սիմոնյանը չկարողացավ կառավարել իրեն, ձայնը բարձրացնելով նա բոլորի ներկայությամբ նկատողություն արեց լրագրողին՝ վերջինիս պահվածքն անվանելով՝ թուլություն։ «Մեդիա պաշտպան» նախաձեռնությունը կոչ է անում պատգամավորին հարգել լրագրողներին, առավել ևս հակառակ սեռի։ Նման վարքագիծը հարիր չէ օրենսդիր մարմնի ներկայացուցչին։
Իհարկե, կարող են լինել էմոցիոնալ պոռթկումներ, բայց պատգամավորը գոնե պետք է ներողություն խնդրեր իր պահվածքի համար, ինչը Ալեն Սիմոնյանը չարեց, հակառակը՝ վստահ տոնով շարունակեց պատասխանել մյուս լրագրողի հարցին․ «Խի մենք վստահության խնդիր ունենք, խի ընտրությունները ինչ-որ մեկի մոտ կասկած ա առաջացնում»։
