Ըստ մամուլում շրջանառվող տեղեկությունների, Հանրային Հեռուստաընկերության լրատվական-վերլուծական ծառայությունում լրջագույն փոփոխություններ են սպասվում: Գրում են, որ Պետրոս Ղազարյանը կլքի զբաղեցրած պաշտոնը և աշխատանքից կազատվեն ներկա աշխատակիցներից շատերը։
Ըստ մամուլի հրապարակումների, Պետրոս Ղազարյանի աշխատանքից դժգոհ են իշխանության ամենաբարձր օղակներում։
«Մեդիա Պաշտպան» նախաձեռնությունը կոչ է անում իշխանություններին, որպեսզի լրատվական-վերլուծական ծառայության աշխատակիցներին ընտրեն ոչ թե անձնական նախապատվություններով, այլ հաշվի առնեն մասնագիտական որակները։
Հիշեցնենք՝ Հանրային Հեռուստաընկերությունը մասնավոր սեփականություն չէ և գործում է հանրային միջոցների հաշվին։
«Մեդիա Պաշտպան» նախաձեռնությունը հետևելու է այս գործընթացին և հանրությանը տեղեկացնելու է, եթե խախտվեն լրագրողների իրավունքները։
