«Ազատություն» ռադիոկայանի մայիսի 26-ի «Կիրակնօրյա վերլուծական Թամրազյանի հետ» թողարկումը նվիրված էր անցումային արդարադատությանն ու վեթթինգին: Հաղորդմանը հրավիրված էին անցումային արդարադատության միջազգային կենտրոնի փորձագետ Ռուբեն Կարանզան, Իմ քայլը խմբակցության պատգամավոր, պետաիրավական հարցերով մշտական հանձնաժողովի նախագահ Վլադիմիր Վարդանյանը և փաստաբան Տիգրան Եգորյանը:
Ակնհայտ էր անցումային արդարադատությունը և վեթթինգը քարոզելու միտում: Հյուրերի կարծիքները համընկնում էին, չկար հակադիր դիրքորոշում։ Այս ամենից բացի, լրագրողը ուղղորդող հարցերով փորձում էր ստանալ նախընտրելի պատասխաններ: Հիմնական շեշտադրումներն էին, որ անցումային արդարադատությունը պետք է վաղուց ներդրվեր և որ դա որևէ կերպ չի բխում միայն Ռ. Քոչարյանի դատական որոշումից:
«Մեդիա պաշտպան» նախաձեռնությունը ևս մեկ անգամ հորդորում է «Ազատություն» ռադիոկայանին պահպանել լրագրողական էթիկայի սկզբունքները՝ տրամադրել անաչառ, դիրքորոշում չարտահայտող տեղեկատվություն և անկողմնակալ մեկնաբանություններ:
