Ամուսինդ տղա՞ ա, թե՞ աղջիկ. Անդրանիկ Քոչարյանի պահվածքը՝ լրագրողի հետ

Լրագրող Հռիփսիմե Ջեբեջյանը պատմում է, որ ԱԺ պաշտպանության եւ անվտանգության հարցերի հանձնաժողովի նախագահ, «Իմ քայլի» պատգամավոր Անդրանիկ Քոչարյանի ճեպազրույցից հետո նա ոչ թե որպես լրագրող, այլ որպես քաղաքացի հարց տվեց՝ Ճեպազրույցից հետո սրտնեղեցի, որ որպես քաղաքացի՝ շատ վատ եմ զգում այսօրվա իրավիճակից ու որպես համեմատություն ասացի՝ բակերում ղզիկ տղաներ են լինում, որոնց երբ ծեծում են, խեղճանում են, ասում են՝ մի խփեք էլի, մենք այ այդ տղայի կարգավիճակում ենք՝ խեղճացած: Անդրանիկ Քոչարյանն ի պատասխան սկսեց հարցուփորձ անել՝ «երեխեքդ տղա՞ են»: Ասացի՝ հա: Անդրանիկ Քոչարյանի հաջորդ հարցը հետեւյալն էր՝ «իսկ ամուսի՞նդ»: Ապշեցի հարցից՝ այսինքն, ամուսինս տղա՞ է, թե աղջի՞կ, դա՞ եք ուզում իմանալ: Չէի ուզում հավատալ, որ պատգամավորը կարող է անցնել կոռեկտության այս սահմանները: Հետո նա սկսեց հարցադրումներ անել, թե՝ ո՞ւր էր ամուսինդ էս պատերազմում, ի՞նչ էր անում, տանեինք…Հանգիստ պատասխանեցի. «Տանեիք»: Ինչին հաջորդեց պատգամավորի եզրակացությունը. «Ասա ուզում ես բաժանվես»:
Այս խոսակցությունը որքան տհաճ էր լսելն ու կուլ տալը, այնքան էլ տհաճ է սրա մասին լուսաբանելն ու հանրայնացնելը, բայց մի օր ինչ-որ մեկը պե՞տք է բացատրի անդրանիկ քոչարյաններին ու մյուս պետական պաշտոնյաներին, որ անձնական տիրույթ մտնելը անթույլատրելի բան է: Անդրանիկ Քոչարյան, ես ձեզ երբեւէ հարցրե՞լ եմ՝ քանի՞ երեխա ունեք, ձեր կինն ի՞նչ սեռ ունի՝ արակա՞ն, թե՞ իգական, ինչո՞վ էր զբաղված ձեր կինը պատերազմի ժամանակ…Ուրեմն բարի եղեք լրագրողների հետ խոսելիս սահմանները մի անցեք:

Մեդիա Պաշտպանը վրդովված է Անդրանիկ Քոչարյանի պահվածքից և պահանջում է, որ հայ պաշտոնյաները հարգանք ցուցաբերեն լրագրողների հետ շփվելիս.