«Մեդիա պաշտպան» նախաձեռնությունը, հաշվի առնելով սահմանային լարված իրավիճակը, հորդորում է լրագրողներին սկզբնաղբյուր օգտագործել ՀՀ ՊՆ, ՀՀ ՊԲ և ԱՀ ՊՆ, ԱՀ ՊԲ պաշտոնական հաղորդագրությունները։ Կոչ ենք անում լրատվականներին օգտագործել և տարածել բացառապես ստուգված տեղեկատվություն, չօգտվել ադրբեջանական կայքերից և ադրբեջանական տիրույթում տարածվող տեղեկատվությունը Հայաստանում չտարածել, ինչպես նաև հորդորում ենք չտեղադրել ու չտարածել հարվածների, պայթյունների վայրերի նկարները սոցցանցերում:
Հիշեցնենք, որ սեպտեմբերի 27-ին ադրբեջանական զորքերը ժամը 07:10-ին հարձակման են անցել շփման գծի ամբողջ երկարությամբ։ Ադրբեջանական զորքերի՝ մի քանի ուղղությամբ հարձակումները հետ են մղվել։ Հակառակորդը կրել է մարդկային և տեխնիկայի կորուստներ, մասնավորապես՝ երեք տանկ։ Մարտերը շարունակվում են։
ՀՀ ՊՆ մամուլի խոսնակ Շուշան Ստեփանյան