Երևանի քաղաքապետ Հայկ Մարությանի մամուլի խոսնակը, անդրադառնալով լրատվականների աշխատանքին, կրկին պիտակավորել է լրագրողներին: Օրերս Էջմիածնի փոխքաղաքապետը ևս անհարգալից էր արտահայվել:
Առհասարակ, պետպաշտոնյաները պետք է գիտակցեն ԶԼՄ-ների հետ փոխհամագործակցության կարևորությունը: Բարիդրացիական մթնոլորտի հաստատումն իրենց շահերից է բխում: Լրատվամիջոցի հրապարակած անցանկալի նյութի հետ չհամաձայնելու ավելի բարեկիրթ և պաշտոնական մեթոդներ գոյություն ունեն և, որպես մամուլի խոսնակ, Հակոբ Կարապետյանն առավելևս պետք է կարևորի դա:
«Մեդիա պաշտպան» նախաձեռնությունը կոչ է անում Հակոբ Կարապետյանին վերանայել իր ֆեյսբուքյան գրառումը և պետպաշտոնյային հարիր կերպ ներկայացնել լրատվականներին ուղղված իր անհամաձայնությունը։
