2019թ-ի մարտի 11-20-ը «Մեդիա պաշտպան» նախաձեռնությունը հետևել է առցանց մամուլում ԱԺ նախագահ Արարատ Միրզոյանի անձին ու գործունեությանն առնչվող նյութերին։ Մշտադիտարկվել է ներհայաստանյան 34 առաջատար լրատվական կայք։
Նշված ժամանակահատվածում հայտարարգրել է 474 հոդված, որոնցից 53-ը եղել է բացասական, 6-ը՝ դրական, 415-ը՝ չեզոք։
Ուսումնասիրության արդյունքներից պարզ է դառնում, որ Արարատ Միրզոյանի անձի ու գործունեության հանդեպ հետաքրքրությունը նախորդ տասնօրյակի համեմատ մեծացել է։
Մշտադիտարկումը ցույց է տալիս, որ բացասական հոդվածների մեծ մասն առնչվում են Արարատ Միրզոյանի կնոջ ակտիվությանը և ԱԺ նախագահի վրաստանի նախագահի հետ հանդիպումից հետո թաքցրված մանրամասներին։ Կարելի է փաստել, որ հասարակությունը և մամուլը սուր են արձագանքում պաշտոնյաների կողմից տեղեկություններ թաքցնելու փաստերին կամ տեղեկատվական մանիպուլյացիաներին։